"ПСЖ" ўзининг расмий веб-сайтида Қозоғистонда академия очилишини эълон қилди. Париж клубининг футбол мактаби мамлакат пойтахти Остонада жойлашган бўлади.
"ПСЖ академиясининг Қозоғистонда очилиши клубнинг ўз тажрибаси ва қадриятларининг таъсирини Париждан ташқарига янада кенгайтиришга содиқлигини акс эттиради. Остонада янги академиянинг очилиши билан биз бутун дунё бўйлаб минглаб ёш футболчиларга "ПСЖ" сифат стандартларига мувофиқ футболни ўрганиш ва катта оиланинг бир қисмига айланиб, ривожланишда давом этиш имконини берувчи глобал тармоқни ривожлантиришда яна бир муҳим қадам ташламоқдамиз", деди "ПСЖ"нинг бизнесни диверсификация қилиш, мерчандисинг ва маркетинг бўйича директори Надя Бенмохтар.
Сентябрь ойидан бошлаб академия 300 тагача ёш футболчини қабул қилади. Қозоғистон "ПСЖ" академиясининг глобал тармоғига қўшилган 24-мамлакат бўлади.
