"Манчестер Юнайтед" дарвозабонлар Алтай Байиндир ва Радек Витек билан хайрлашишга яқин.
The Athletic нашрининг хабар беришича, Байиндир 2026/27 йилги мавсумни "Сельта Виго"да ижара асосида ўтказади ва уни тахминан 4 миллион еврога (3,4 миллион фунт стерлинг) сотиб олиш имкониятига эга бўлади.
"Сельта" Байиндирнинг тўлиқ маошини қоплайди, ижара тўлови эса 28 ёшли туркнинг Вигодаги ўйинига боғлиқ.
Байиндир 2023 йилда "Фенербахче"дан трансфер қилинганидан бери "Манчестер Юнайтед" сафида атиги 17 та ўйинда майдонга тушган ва энди захира дарвозабони ролига тушиб қолиш билан кифояланмайди.
"Манчестер Юнайтед" шунингдек, Витекни Чемпионшип вакили "Мидлсбро"га 14 миллион фунт стерлинг, шу жумладан 7 миллион фунт стерлинг бонус эвазига қўйиб юборишга рози бўлди.
