"Ливерпуль" ва "ПСЖ" Брэдли Барколянинг трансфери бўйича келишувга эриша олмаяпти.
L’Equipe нашрининг хабар беришича, инглиз клуби француз клубининг футболчи учун 150 миллион евро ва бонуслар талабини қондиришни истамаяпти. Бироқ, парижликлар ўз талабларини камайтиришни истамаяпти.
"ПСЖ" Эллиотт Андерсоннинг "Манчестер Сити"га 116 миллион фунт стерлингга, Морган Роджерснинг "Челси"га 117 миллион фунт стерлингга ва Александр Исакнинг "Ливерпул"га 125 миллион фунт стерлингга трансферларини мисол қилиб келтирмоқда.
"Ливерпуль" тўлашга тайёр бўлган максимал сумма 120 миллион евро. "Қизиллар" илгари тахминан 100 миллион евро таклиф қилган эди, аммо "ПСЖ" футболчини бу шартлар билан қўйиб юборишдан бош тортган.
Футболчининг агенти Мусса Сиссоко икки томон ўртасида муросага келиш устида ишлашда давом этмоқда. "ПСЖ" президенти Нассер Ал-Хелайфи яқин орада "Ливерпуль" раҳбарияти билан шахсий музокаралар олиб бориши кутилмоқда, чунки улар яхши таниш.
Ўтган мавсумда Барколья Лига 1да 29 та ўйин ўтказди, 11 та гол урди ва битта голли узатмани амалга оширди.
