«Интер Майами» Лигалар кубоги ўйинида «Атлетико Сан-Луис»ни 4:2 ҳисобида мағлуб этди. Учрашув Майамидаги «Ну Стэдиум» стадионида бўлиб ўтди.

4-дақиқада меҳмонлар ярим ҳимоячиси Дэвид Родригес ҳисобни очди. Танаффусгача мезбонлар тўртта гол уришди: Лионель Месси дубль қайд этди, шунингдек, Теласко Сеговия ва Микаэл биттадан гол муаллифига айланишди. Танаффусдан сўнг меҳмонлар иккинчи голни уришди — Рафа Льоренте ўз номини таблога ёздириб қўйди.

Ҳар иккала жамоа учун бу мусобақанинг ушбу мавсумидаги биринчи ўйин эди.

Лигалар кубоги

«Интер Майами» (МЛС) — «Атлетико Сан-Луис» (Лига МХ) — 4:2 (4:1)

Голлар: Родригес, 4 — 0:1. Месси, 11 — 1:1. Сеговия, 26 — 2:1. Месси, 44 — 3:1. Микаэл, 45+7 — 4:1. Льоренте, 51 — 4:2.