«Inter Mayami» Ligalar kubogi o‘yinida «Atletiko San-Luis»ni 4:2 hisobida mag‘lub etdi. Uchrashuv Mayamidagi «Nu Stedium» stadionida bo‘lib o‘tdi.
4-daqiqada mehmonlar yarim himoyachisi Devid Rodriges hisobni ochdi. Tanaffusgacha mezbonlar to‘rtta gol urishdi: Lionel Messi dubl qayd etdi, shuningdek, Telasko Segoviya va Mikael bittadan gol muallifiga aylanishdi. Tanaffusdan so‘ng mehmonlar ikkinchi golni urishdi — Rafa Lyorente o‘z nomini tabloga yozdirib qo‘ydi.
Har ikkala jamoa uchun bu musobaqaning ushbu mavsumidagi birinchi o‘yin edi.
Ligalar kubogi
«Inter Mayami» (MLS) — «Atletiko San-Luis» (Liga MX) — 4:2 (4:1)
Gollar: Rodriges, 4 — 0:1. Messi, 11 — 1:1. Segoviya, 26 — 2:1. Messi, 44 — 3:1. Mikael, 45+7 — 4:1. Lyorente, 51 — 4:2.
