«Сантос» «Ремо» президентининг форвард Неймар шаънига айтган сўзларига муносабат билдирди.

«Сантос» ҳужумчиси Бразилия кубоги 1/8 финалининг жавоб учрашувидан (1:0) сўнг «Ремо» раҳбарлари билан даҳанаки жангга киришди.

Интернетда пайдо бўлган кадрларда Неймарнинг бир неча бор: «Eliminado!» («Чиқиб кетдингиз!») деб такрорлаётгани, «Ремо» вакиллари томон фаол ишоралар қилаётгани ва вазиятлардан бирида уятли сўз ишлатгани акс этган.

«Ремо» президенти Антонио Карлос Тейшейра футболчининг хулқ-атворини кескин танқид қилди: «Пасткаш Неймар масхарабозлик уюштирди. Каттагина болалар тўдаси унга сиғинади. Шу каби инсонларни ўзимизга кумир қилиб олаётганимизда ўзимиз айбдормиз».

«Сантос» «Ремо» президентининг Неймар шаънига айтган ҳақоратли баёнотини, шунингдек, ҳакамларнинг хайрихоҳлигига шама қилганини кескин қоралайди.

Спортда танқид бўлиши нормал ҳолат, аммо шахсиятга тегиш ва асоссиз айбловлар ҳурмат ҳамда этика чегарасидан чиқиш ҳисобланади.

«Сантос» шаффофлик ва Бразилия футболининг обрўси йўлида ҳар доим ўз спортчиларини, тарихини ва ташкилот яхлитлигини ҳимоя қилади», — дейилади клуб баёнотида.