«Монако» клуби «Наполи»нинг бельгиялик ҳужумчиси Ромелу Лукакуга қизиқиш билдирмоқда. Инсайдер ва журналист Николо Скиранинг Х (собиқ Twitter) тармоғида хабар беришича, монегасклар 33 ёшли форварднинг трансфери бўйича Неаполь клубидан маълумот сўраган. Бельгия терма жамоаси аъзоси шу ёзда Туркия клубларидан тушган иккита таклифни рад этган эди.

Лукакунинг «Наполи» билан амалдаги шартномаси 2027 йилнинг 30 июнига қадар мўлжалланган. Transfermarkt портали унинг трансфер қийматини 6 миллион еврога баҳоламоқда. Тажрибали ҳужумчи ўтган мавсумда «Наполи» сафида жароҳатлар сабаб бор-йўғи 6 та ўйинда майдонга тушиб, 1 та гол урган. Бироқ ЖЧ-2026 турнирида Бельгия терма жамоаси таркибида ажойиб ўйин кўрсатиб, 6 та учрашувда 3 та гол урган ва 3 та голли узатмага муаллифлик қилди.