«Monako» klubi «Napoli»ning belgiyalik hujumchisi Romelu Lukakuga qiziqish bildirmoqda. Insayder va jurnalist Nikolo Skiraning X (sobiq Twitter) tarmog‘ida xabar berishicha, monegasklar 33 yoshli forvardning transferi bo‘yicha Neapol klubidan ma’lumot so‘ragan. Belgiya terma jamoasi a’zosi shu yozda Turkiya klublaridan tushgan ikkita taklifni rad etgan edi.
Lukakuning «Napoli» bilan amaldagi shartnomasi 2027 yilning 30 iyuniga qadar mo‘ljallangan. Transfermarkt portali uning transfer qiymatini 6 million yevroga baholamoqda. Tajribali hujumchi o‘tgan mavsumda «Napoli» safida jarohatlar sabab bor-yo‘g‘i 6 ta o‘yinda maydonga tushib, 1 ta gol urgan. Biroq JCH-2026 turnirida Belgiya terma jamoasi tarkibida ajoyib o‘yin ko‘rsatib, 6 ta uchrashuvda 3 ta gol urgan va 3 ta golli uzatmaga mualliflik qildi.
