«Реал» ярим ҳимоячиси Гарет Бэйл кеча бўлиб ўтган чемпионлар лигаси доирасидаги «Галатасарой»га қарши ўйин ҳақида фикр билдирар экан, жамоага мослашиб кетганини таъкидлади.

«Жамоада мени жуда яхши кутиб олишди ва мен бу ерга тезда мослашиб кетдим. Доимий майдонга тушиш ва мавсумни яхши ўтказиш учун спорт формамни тиклаб олишим керак.

Ўйин мен учун қийин кечди деб айтишим мумкин. Чунки мен мавсум олди тайёргарликда деярли қатнашмадим. Шу вақтгача терма жамоа таркибида 30 дақида ва 60 дақиқа премьерода ҳаракат қилдим. Бугун эса захирадан майдонга тушдим. Майдонда ўзимни яхши ҳис қилдим.

Чемпионлар лигасида ўйнаш жуда ёқимли. «Реал»га ўтишимнинг сабабларидан бири ҳам айнан катта мусобақаларда ўйнаш истаги эди. Мавсумни нуфузли мусобақада ғалаба билан бошлаш жуда ажойиб»,- дейди футболчи.