«Милан»нинг янги бош мураббийи Рубен Аморим жамоанинг бўлажак мавсумдаги мақсадлари билан ўртоқлашди. Португалиялик мутахассис ёз бошида истеъфога чиқарилган Массимилиано Аллегри ўрнини эгаллаган эди.

«Энг муҳими — эътиборни ҳар бир алоҳида ўйинга қаратиш. Жамоамиз ҳар бир баҳсда, ҳар бир мусобақада ғалаба қозониш учун етарлича кучли. Агар мақсад сари қадамма-қадам илгарилаб борсак, жиддий муваффақиятларга эриша оламиз.

Европа Лигасига келсак, биз ушбу турнирда зафар қуча олишимизга ишонишимиз керак. Шунингдек, А Серия ҳам бор. Кўплаб рақибларимизда устунлик бўлади — уларнинг мураббийлари узоқ вақтдан бери ишлаб келмоқда. Бироқ мен «Милан»да бўла туриб, чемпионатни юта олмаймиз деёлмайман.

Олдинда бажариладиган ишлар жуда кўп — янги мураббий, таркибдаги ўзгаришлар. Аммо бундай мақомдаги клубда сиз совринлар учун курашишга мажбурсиз. Биз бунинг учун ҳамма нарсани қиламиз, шу билан бирга Чемпионлар Лигасига йўлланма олиш молиявий ва нуфуз нуқтаи назаридан фундаментал аҳамиятга эга эканини тушунамиз», — деди Аморим матбуот анжуманида.

Италия чемпионатининг ўтган мавсумида «россонери» 5-ўринни эгаллаган эди.