«Барселона» ва «Манчестер Сити» ярим ҳимоячи Родрининг трансфер шартларини муҳокама қилмоқда.

Каталония гранди 30 ёшли футболчи бўйича «шаҳарликлар» билан расмий музокараларни бошлади, деб хабар беради инсайдер Фабрицио Романо. «Кўк-анорранглилар» вакиллари келишув амалга ошишига тўлиқ ишонч билдирмоқда.

Испаниянинг амалдаги чемпиони Родри учун 45 миллион евродан бир оз кўпроқ тўлашга тайёр, аммо «Манчестер Сити» кўпроқ маблағ талаб қилмоқда. Клублар ўртасида тўғридан-тўғри муҳокамалар давом этмоқда.

Родрининг ўзи «Барселона»га розилик бериб бўлган. Жаҳон чемпиони Ҳанси-Дитер Флик жамоасида ўйнашни хоҳлагани сабабли Мадриднинг «Реал» клуби таклифини рад этган.