«Манчестер Юнайтед» ҳужумчиси Робин ван Перси ҳужумдаги шериги Уэйн Рунининг кеча бўлиб ўтган чемпионлар лигаси доирасидаги «Байер»га қарши ўйиндаги ҳаракатларига юқори баҳо берди.
«Руни шу кеча ажойиб ўйин намойиш этди. У билан бирга ўйнаш менга ёқади. У ҳар қандай услубда ўйнай олади: хоҳласангиз майда пас, хоҳласангиз узоққа тўп узатиб.
«Байер»нинг ўйинини ўрганиб, бизни жиддий ўйин кутишини тахмин қилган эдик. Биз ўйинни яхши ўтказдик ва олдимизга қўйилган вазифани уддаладик»,- дейди ҳужумчи.
