Журналист Саша Тавольерининг хабар беришича, Туркиянинг «Галатасарой» клуби «Милан»нинг 27 ёшли португалиялик ҳужумчиси Рафаэл Леаунинг трансфери бўйича музокараларни давом эттирмоқда.

Истанбул гранди яқин соатлар ичида «Милан»га янги ва яхшиланган таклиф билан чиқиши кутилмоқда. Манбанинг таъкидлашича, Леаунинг ўзи ҳам фаолиятини «Галатасарой»да давом эттиришга қизиқиш билдирган ва клуб билан шахсий шартнома шартларини келишиб олишга яқин турибди.

Аввалроқ «Милан» турикларнинг 35 миллион евролик дастлабки таклифини рад этгани ҳақида миш-мишлар тарқалган эди.

Ўтган мавсумда 27 ёшли вингер «россонери» таркибида барча мусобақаларда 31 та ўйинда майдонга тушиб, 10 та гол урган ва 3 та голли узатмага муаллифлик қилган.