Jurnalist Sasha Tavolyerining xabar berishicha, Turkiyaning «Galatasaroy» klubi «Milan»ning 27 yoshli portugaliyalik hujumchisi Rafael Leauning transferi bo‘yicha muzokaralarni davom ettirmoqda.

Istanbul grandi yaqin soatlar ichida «Milan»ga yangi va yaxshilangan taklif bilan chiqishi kutilmoqda. Manbaning ta’kidlashicha, Leauning o‘zi ham faoliyatini «Galatasaroy»da davom ettirishga qiziqish bildirgan va klub bilan shaxsiy shartnoma shartlarini kelishib olishga yaqin turibdi.

Avvalroq «Milan» turiklarning 35 million yevrolik dastlabki taklifini rad etgani haqida mish-mishlar tarqalgan edi.

O‘tgan mavsumda 27 yoshli vinger «rossoneri» tarkibida barcha musobaqalarda 31 ta o‘yinda maydonga tushib, 10 ta gol urgan va 3 ta golli uzatmaga mualliflik qilgan.