Португалия футбол федерацияси (FPF) президенти Педру Проэнса Жаҳон чемпионати ҳуқуқларининг бир қисмини хусусий инвесторларга сотиш ғоясини мутлақо қабул қилиб бўлмас деб ҳисоблайди.
Аввалроқ ФИФА раҳбари Жанни Инфантино шундай ташаббус билан чиққан эди, аммо футбол жамоатчилиги томонидан билдирилган кескин танқидлардан сўнг «FIFA Forward Enterprise» лойиҳасидан воз кечган эди. ФИФА FFE лойиҳасини тайёрлашда хатоликларга йўл қўйилганини тан олди ва Инфантинонинг узр сўрашидан сўнг уни қўллаб-қувватлашини билдирди.
«ФИФА томонидан таклиф этилган модел футболнинг асл моҳияти ва табиатини чуқур ҳамда қабул қилиб бўлмайдиган даражада ўзгартиришни англатар эди. Бундай модел бурчи футболни ҳимоя қилиш ва унинг меросини келажак авлодлар учун сақлаб қолишдан иборат бўлганлар томонидан асло қабул қилиниши мумкин эмас. Биз биз учун ажралмас бўлган ушбу қадриятлардан ҳеч қачон воз кечмаймиз — бу сизга берадиган кафолатимдир», — деди Проэнса.
Инфантино 2016 йилдан бери ФИФАни бошқариб келмоқда. Ташкилот президентилиги учун навбатдаги сайловлар 2027 йилнинг марч ойида бўлиб ўтади. Аввалроқ Telegraph нашри, агар Инфантино ФИФА раҳбари лавозимини ўз ихтиёри билан тарк этмаса, УEФА унга ишончсизлик вотуми эълон қилиши ҳақида хабар берган эди.
