«Бавария» клуби айни дамда Audi Summer Tour доирасида Осиёда бўлиб турибди. Қисқа Tour Talk форматидаги интервьюда жамоа дарвозабони Йонас Урбиг таркибнинг тайёргарлик жараёни ва жамоанинг ҳозирги ҳолати ҳақида фикр билдирди.
«Биз ўйинимизнинг асосини ташкил этувчи тамойилларни янада мукаммаллаштиришни хоҳлаймиз. Албатта, барча деталлар жамоа ичида қолиши керак, аммо умид қиламанки, мухлислар буни майдондаги ўйинимизда кўра олишади», — деди 22 ёшли дарвозабон fcbayern.com нашрига.
Урбиг, шунингдек, жамоавий жипслик «Бавария» ёндашувининг марказида қолишини таъкидлаб ўтди.
«Шуни айта оламанки, биз биргаликда ҳужум қилиб, биргаликда ҳимояланишни истаймиз. Жамоавий руҳ биз учун жуда муҳим. Айнан ушбу менталитет ўтган мавсумда бизни жуда кучли қилган эди», — дея қўшимча қилди у.
«Бавария»нинг 2026/27 йилги мавсумдаги илк расмий баҳси 22 август куни Франц Беккенбауэр Суперкубоги доирасида «Боруссия Дортмунд»га қарши кечади.
