«ПСЖ» Мика Годтс бўйича «Аякс»га юборган 40 миллион евролик дастлабки таклифи рад этилганига қарамай, Амстердам клубига янги ва яхшиланган таклиф билан чиқишни режалаштирмоқда.

Telegraaf нашрининг хабар беришича, парижликлар «Аякс» билан келишувга эришиш учун 50–55 миллион евро атрофидаги янги таклифни тайёрлашмоқда.

Европа чемпионлари бельгиялик иқтидорли вингер билан шахсий шартнома шартларини келишиб олгач, ушбу трансферни якунлашларига ишонч билдиришмоқда. Эредивизия гранди эса аввалроқ Годтсни фақатгина мос нарх эвазига сотишларини маълум қилган эди.

21 ёшли футболчи «ПСЖ»да Брэдли Барколанинг ўрнини босувчи номзод сифатида кўрилмоқда.

Муваффақиятли кечган 2025/26 йилги мавсумдан сўнг, Годтс янги мавсумда «Аякс»нинг Конференциялар Лигаси саралаш босқичидаги 3 та ўйинида 1 та гол уриб, 2 та голли узатмага муаллифлик қилди ва ажойиб спорт формасида эканини кўрсатмоқда.