Франция терма жамоаси таркибида Жаҳон чемпиони, «Челси»нинг собиқ ўйинчиси Франк Лебёф «кўклар»нинг янги футболчилари ҳақидаги фикрлари билан ўртоқлашди ва лондонликларга ҳамон Роберт Санчеснинг ўрнига янги дарвозабон зарурлигини таъкидлади.

Санчесдан ташқари, «Челси» дарвозасидан Филип Йоргенсен, Майк Пендерс, Тедди Шарман-Лоу ва Гэбриел Слонина ўрин олиши мумкин.

«Мен ўзимни хотиржамроқ ҳис қиляпман, чунки «Челси»да охир-оқибат тажрибали ўйинчилар кераклигини тушуниб етишди. Хендерсон ва Дэнни Уэлбек келишмоқда.

шунингдек, эндиликда терма жамоада ўйнаш тажрибасига эга бўлган Лакруа ҳам келмоқда. Ёш футболчилар атрофида уларга тўғри йўлни кўрсата оладиган ўйинчилар борлиги яхши деб ўйлайман. Биринчи навбатда — кийиниш хонасида: ўз хулқ-атвори, машғулотлардаги меҳнатга бўлган муносабати, шунингдек, ўйинлар пайтидаги қийин вазиятларни енгиб ўтиш маҳорати билан. Шу сабабли буни жуда яхши қарор деб ҳисоблайман.

Менда ҳамон дарвозабон бўйича саволлар бор. Санчес дарвоза чизиғида жуда яхши ўйнаши мумкин, аммо оёқда ўйнашда у доимо муаммолар туғдиради ва тўп унда бўлганида мухлисларига қўрқув солади.

Фикримча, уларда 45 га яқин футболчи бор. Баъзиларидан халос бўлишга тўғри келади. Албатта, Хаби Алонсо таркибни аниқлаб олиши ва, эҳтимол, камида 15 та ўйинчи билан хайрлашиши керак бўлади. Бу ақлсизлик, аммо у буни қилишга мажбур. Акс ҳолда нормал ишлаш ва ҳаммани жараёнга жалб қилишнинг имкони йўқ.

Осон бўлмайди. У ўзига керак бўлмаган ўйинчилардан халос бўлишига тўғри келади, чунки акс ҳолда улар кийиниш хонаси ичида муаммоларни келтириб чиқаришади», — деди Лебёф ESPNга.