Саудия Арабистонининг «Неом» клуби дарвозабони Марцин Булка Франциянинг «Марсель» клубига ўтиши мумкин. Бу ҳақда L’Equipe нашри хабар бермоқда.

Провансалликларнинг асосий дарвозабони Херонимо Рульи яқин орада «Манчестер Сити»га кўчиб ўтиши кутилмоқда. Француз клуби айнан Булкани аргентиналик посбоннинг ўрнини босадиган муносиб номзод сифатида кўрмоқда. Манба бераётган маълумотларга кўра, «Марсель» раҳбарияти «Неом» клубига польшалик футболчини ижарага олиш бўйича расмий таклиф юбориб бўлган.

Булканинг Саудия клуби билан амалдаги шартномаси 2029 йилнинг ёзига қадар мўлжалланган. Фаолияти давомида у «Пари Сен-Жермен», «Ницца», «Картахена» ва «Шатору» каби жамоаларда тўп сурган. Transfermarkt портали маълумотларига кўра, 26 ёшли польшаликнинг ҳозирги бозор қиймати 15 миллион еврони ташкил этади. У ўтган мавсумда «Неом» таркибида Саудия чемпионатидаги 6 та ўйинда майдонга тушиб, ўз дарвозасидан 8 та тўп ўтказиб юборган.