Таниқли менеджер Али Абдель-Азиз АҚШ президенти Дональд Трамп россиялик Хабиб Нурмагомедовни ўзининг энг севимли жангчиларидан бири деб билишини ва ҳатто уни ўз китобида эслаб ўтганини айтиб берди.

«Президент Трамп икки жангчини бошқалардан кўра кўпроқ яхши кўради: Джастин Гейджи ва Хабибни. У Хабибнинг энг ашаддий мухлиси. Мен ундан: «Нима учун Хабибни бунчалик яхши кўрасиз?» деб сўрадим. У: «Мен Хабибни ўз китобимга киритганман», деб жавоб берди», — дейди Абдель-Азизнинг сўзларини келтирган Freak MMA ижтимоий тармоқларда.

Эслатиб ўтамиз, Хабиб Нурмагомедов UFC Шон-шараф зали аъзоси ҳисобланади. Профессионал даражада россиялик спортчи 29 та жанг ўтказиб, бирор маротаба ҳам мағлубиятга учрамаган.