Лондоннинг «Кристал Пэлас» клуби МЛС вакили «Реал Солт-Лейк» аъзоси, 19 ёшли вингер Завьер Гозони ўз сафига қўшиб олиш бўйича келишувга эришди.
Премьер-лига клуби америкалик ёш иқтидор эгаси учун 10 миллион фунт стерлинг (тахминан 15 миллион доллар) компенсация тўлаб беради. Футболчига трансфер олдидан тиббий кўрикдан ўтиш учун аллақачон расмий рухсат берилган.
Ушбу трансфер «Кристал Пэлас» учун жорий ёзги трансфер ойнасидаги молиявий тўлов эвазига амалга оширилган илк харидга айланиши кутилмоқда.
Лондонликлар Гозони МЛСнинг энг порлоқ ва истиқболли ёш ўйинчиларидан бири деб ҳисоблашмоқда. 19 ёшли вингер жорий МЛС мавсумида «Реал Солт-Лейк» таркибида 16 та ўйинда майдонга тушиб, 6 та гол урди ва 4 ёки 5 та голли узатмага муаллифлик қилди.
