«Аякс» вингери Мика Годтс «Пари Сен-Жермен»га ўтишга розилик берди. Франция клуби 21 ёшли футболчи билан шартнома шартлари бўйича келишувга эришди – келишув 2031 йилнинг ўрталаригача мўлжалланган, хабар беради инсайдер Николо Скира ижтимоий тармоқларда. «ПСЖ» «Аякс»ни трансферга рози қилиш учун ҳаракатларни давом эттирмоқда. Бельгиялик футболчи Чемпионлар Лигасининг амалдаги ғолибларига тахминан 55 миллион еврога тушиши тахмин қилинмоқда.

Мика Годтс Нидерландия чемпионатининг ўтган мавсумида амстердамликлар сафида 34 та ўйинда майдонга тушиб, 17 та гол урди ва 13 та голли узатмага муаллифлик қилди. Аввалроқ футболчига Англия грандлари ҳам қизиқиш билдираётгани ҳақида хабар берилган эди.