«Барселона»нинг марказий ҳимоячиси Рональд Араухо тез орада «Ливерпуль» сафига бориб қўшилади.

27 ёшли футболчини ижарага олиш бўйича клублар ўртасида келишувга эришилди. Cadena SER хабарига кўра, «қизиллар» уругвайлик футболчининг бутун маошини тўлиқ ҳажмда тўлаб беришади.

Мавжуд маълумотларга кўра, Рональд Араухо «Барселона» билан амалдаги шартномасига кўра йилига 12 миллион евродан ортиқ маош олади. Ижара шартномасига сотиб олиш ҳуқуқи ҳам киритилади ва «Ливерпуль» уни ўз хоҳишига кўра фаоллаштириши мумкин. Марказий ҳимоячининг амалдаги бозор қиймати Transfermarkt портали экспертлари томонидан 20 миллион еврога баҳоланмоқда.