Туркиянинг «Фенербахче» клуби «Наполи» ҳужумчиси Ромелу Лукакуни сотиб олиш имкониятини кўриб чиқмоқда. Бу ҳақда TRT Spor хабар бермоқда.
33 ёшли бельгиялик форвард яна бир бор Истанбул клубига таклиф қилинди. Аввалроқ унинг трансфери бўйича вариант муҳокама қилинган эди.
Шу билан бирга, «Наполи» Лукакуни бундай даражадаги футболчи учун нисбатан арзон суммага қўйиб юбориши мумкин. Италия ОАВларининг таъкидлашича, неаполликлар 10 миллион евро атрофидаги таклифларни кўриб чиқишга тайёр. «Фенербахче»дан ташқари, бельгиялик футболчига «Аталанта», «Монако» ва Саудия Арабистонининг бир нечта клублари ҳам қизиқиш билдирган.
