Turkiyaning «Fenerbaxche» klubi «Napoli» hujumchisi Romelu Lukakuni sotib olish imkoniyatini ko‘rib chiqmoqda. Bu haqda TRT Spor xabar bermoqda.

33 yoshli belgiyalik forvard yana bir bor Istanbul klubiga taklif qilindi. Avvalroq uning transferi bo‘yicha variant muhokama qilingan edi.

Shu bilan birga, «Napoli» Lukakuni bunday darajadagi futbolchi uchun nisbatan arzon summaga qo‘yib yuborishi mumkin. Italiya OAVlarining ta’kidlashicha, neapolliklar 10 million yevro atrofidagi takliflarni ko‘rib chiqishga tayyor. «Fenerbaxche»dan tashqari, belgiyalik futbolchiga «Atalanta», «Monako» va Saudiya Arabistonining bir nechta klublari ham qiziqish bildirgan.