«Тоттенхэм» «Манчестер Сити» бразилиялик вингери Савиньони трансфер қилиш бўйича келишувга яқин турибди. Трансфер қиймати тахминан 70 миллион еврони ташкил қилиши мумкин.

Goal маълумотига кўра, Лондон клуби яқин вақт ичида битимни расмийлаштиришни ва Савиньони ёзги трансфер ойнасидаги жамоанинг еттинчи янги футболчисига айлантиришни режалаштирмоқда.

Бироқ «Манчестер Сити» ҳозирча футболчининг кетишига якуний розилик бермаган. Манчестерликлар аввал таркибдан кетиши кутилаётган Савиньога муносиб ўринбосар топишни истамоқда.

Қайд этиш жоиз, «Тоттенхэм» жорий ёзги трансферлар ойнасида футболчилар хариди учун ҳозирга қадар тахминан 270 миллион евро сарфлади.