Франциянинг «Пари Сен-Жермен» клуби «Интер Майами» ва Аргентина терма жамоаси ҳужумчиси Лионель Мессининг отаси Хорхе Месси вафоти муносабати билан ҳамдардлик билдирди.
«Пари Сен-Жермен», клуб президенти ва бутун жамоа Лионель Мессининг отаси Хорхе Месси вафоти муносабати билан унга чин дилдан ҳамдардлик билдиради.
Клуб ушбу оғир дамларда Лионель, унинг оиласи ва яқинларини тўлиқ қўллаб-қувватлайди», — дейилади парижликлар клубининг X ижтимоий тармоғидаги хабарида.
Аввалроқ Хорхе Месси Аргентинанинг Росарио шаҳридаги клиникада 68 ёшида вафот этгани маълум бўлган эди. У узоқ вақт давомида оғир касаллик билан курашган, аммо касаллик номи очиқланмаган.
Лионель отаси билан мунтазам равишда телефон орқали мулоқот қилиб, унинг соғлиғидан хабар олиб турган. Хорхенинг аҳволи баъзи вақтларда яхшиланган бўлса-да, касаллик жиддийлигича қолган.
Лионель Месси 2021–2023 йилларда «Пари Сен-Жермен» шарафини ҳимоя қилган.
