Fransiyaning «Pari Sen-Jermen» klubi «Inter Mayami» va Argentina terma jamoasi hujumchisi Lionel Messining otasi Xorxe Messi vafoti munosabati bilan hamdardlik bildirdi.
«Pari Sen-Jermen», klub prezidenti va butun jamoa Lionel Messining otasi Xorxe Messi vafoti munosabati bilan unga chin dildan hamdardlik bildiradi.
Klub ushbu og‘ir damlarda Lionel, uning oilasi va yaqinlarini to‘liq qo‘llab-quvvatlaydi», — deyiladi parijliklar klubining X ijtimoiy tarmog‘idagi xabarida.
Avvalroq Xorxe Messi Argentinaning Rosario shahridagi klinikada 68 yoshida vafot etgani ma’lum bo‘lgan edi. U uzoq vaqt davomida og‘ir kasallik bilan kurashgan, ammo kasallik nomi ochiqlanmagan.
Lionel otasi bilan muntazam ravishda telefon orqali muloqot qilib, uning sog‘lig‘idan xabar olib turgan. Xorxening ahvoli ba’zi vaqtlarda yaxshilangan bo‘lsa-da, kasallik jiddiyligicha qolgan.
Lionel Messi 2021–2023 yillarda «Pari Sen-Jermen» sharafini himoya qilgan.
