Мадриднинг «Реал» клуби сардори Федерико Вальверде янги жамоадоши Бернарду Силва ҳақида ўз фикрларини билдирди.
Португалиялик футболчи ёш бошида «Манчестер Сити»дан эркин агент сифатида «қаймоқранглилар» сафига келиб қўшилган эди. Шанба куни ярим ҳимоячи Жозе Моуринью жамоасидаги илк ўйинини ўтказди.
«Бернарду — ажойиб футболчи. Менга ҳамиша майдонда унга қарши ўйнаш ёқарди, лекин жуда қийналардим. Энди у биз билан эканидан жуда хурсандмиз», — дейди Вальверденинг сўзларини келтирган Madrid Xtra.
«Реал»нинг Венгриянинг «Ференцварош» клубига қарши кечган ўртоқлик учрашуви Испания грандининг 2:1 ҳисобидаги ғалабаси билан якунланди. Силва бир тайм ҳаракат қилган бўлса, Вальверде майдонда 86 дақиқа ўтказди ва голли узатмага муаллифлик қилди.
