«Челси» бош мураббийи Хаби Алонсо жамоанинг ўнг қанот ҳимоячиси Марко Палестра ҳақида фикр билдирди.

Италиялик футболчи июль ойи бошида Лондон клуби томонидан «Аталанта»дан харид қилинган. Трансфер қиймати тахминан 60 миллион еврони ташкил этган.

«Палестра жамоа учун жуда фойдали футболчи. Унда ўз устида ишлашга бўлган кучли интилиш ва бор кучини майдонга бериш истаги кўриниб турибди. Ҳар бир ўйинда у тобора яхшироқ кўринишда», — деди Алонсо матбуот анжуманида.

Испаниялик мутахассис «Челси» бош мураббийи лавозимига ёз бошида тайинланган. Бунга қадар у Мадриднинг «Реал» клубини бошқарган ва январь ойида жамоадан бўшатилган эди.

«Челси» ўтган мавсумда Англия чемпионатини 10-ўринда якунлаган.