«Манчестер Сити» Сеулда ўтказилган назорат учрашувида Мадриднинг «Атлетико» клубини 3:1 ҳисобида мағлуб этди.
Учрашувда ҳисобни 43-дақиқада «матрасчилар» ярим ҳимоячиси Мортен Юльманн очди. Бироқ иккинчи бўлимда «шаҳарликлар» футболчилари вазиятни тубдан ўзгартирди.
57-дақиқада Омар Мармуш Антуан Семеньонинг узатмасидан кейин ҳисобни тенглаштирди. Орадан икки дақиқа ўтиб, Мармуш яна бир бор ўзини кўрсатиб, «Манчестер Сити»ни олдинга олиб чиқди. Бу сафар ҳам унга Семеньо ассистентлик қилди.
Учрашувдаги сўнгги гол 90-дақиқада киритилди. Райан Айт-Нури Дивайн Мубаманинг узатмасидан кейин ҳисобни 3:1 кўринишига келтирди.
Шу тариқа «Манчестер Сити» «Атлетико» устидан 3:1 ҳисобида ғалаба қозонди.
