«Вильярреал» Франциянинг «Ницца» клубида тўп тепаётган Хишам Будауи трансферини ўрганмоқда.

Маълумотларга кўра, испанияликлар сўнгги кунларда «Ницца» билан боғланиб, 26 ёшли футболчини трансфер қилиш имкониятини муҳокама қилган. Будауининг клуб билан амалдаги шартномаси 2027 йил июнида якунига етади.

Жазоир терма жамоаси футболчиси 2019 йилдан буён «Ницца» шарафини ҳимоя қилиб келмоқда. У Франция клуби сафида 207 та учрашувда майдонга тушиб, 14 та гол урган.

Будауи Жазоир терма жамоасида ҳам муҳим ўринга эга. У миллий жамоа сафида 37 та ўйин ўтказган.

Ярим ҳимоячи «Ницца»га 2019 йилда Жазоирнинг «Параду АС» клубидан кўчиб ўтган.