«Арсенал» бош мураббийи Микель Артета «Боруссия» Дортмундга қарши назорат учрашувидаги 2:3 ҳисобидаги мағлубиятдан сўнг жамоадаги жароҳатлар ҳақида маълумот берди.

Испаниялик мураббий ҳимоячилар Уильям Салиба ва Юрриен Тимбернинг узоқ муддатга сафдан чиққанини тасдиқлади.

«Афсуски, биз бундай ҳолатни аввал ҳам бошдан кечирганмиз», — деди Артета жамоанинг ҳимоя чизиғидаги муаммолар ҳақида.

Салиба Жаҳон чемпионати вақтида жиддий жароҳат олган бўлса, Тимбер мусобақадан олдин сафдан чиққан. Артета француз ҳимоячисининг йўқлиги жамоа учун катта йўқотиш эканини таъкидлади.

«Биз ажойиб футболчидан айрилганимизни биламиз. Юрриен билан ҳам худди шундай», — деди «Арсенал» бош мураббийи.

Артета футболчиларнинг тикланиш муддати ҳақида ҳам маълумот берди. Унинг айтишича, Тимбернинг тикланиши яхши кетмоқда, аммо ҳимоячи яна бир неча ҳафта майдонга туша олмайди.

«Юрриен яхши тикланяпти, аммо унга яна бир неча ҳафта керак. Уильям эса ҳозир дам олиш режимида. Унинг қачон қайтиши ҳозирча маълум эмас», — деди мураббий.