"Наполи" ва Бельгия терма жамоаси ҳужумчиси Ромелу Лукаку "Фенербахче"га ўтишга яқин.

Бу ҳақда Фабрицио Романо хабар бермоқда.

Унинг сўзларига кўра, клублар 7-8 миллион евро ва бонуслар бўйича келишувга эришган. "Наполи" дастлаб футболчи учун 10 миллион евро талаб қилган.

Лукакунинг ўзи илгари Туркияга ўтишга рози бўлган эди, шунинг учун "Фенербахче" трансферни 48 соат ичида амалга оширишга умид қилмоқда. "Наполи" учун 33 ёшли бельгиялик футболчини сотиш "Арсенал"дан Габриэль Жезусни сотиб олиш йўлини очади.

Ромелу 2024 йил ёзида "Наполи"га қўшилди. Ўшандан бери у "кўклар" сафида 45 та ўйинда майдонга тушиб, 15 та гол урган ва 11 та голли узатма берган. "Неаполитанлар" билан биргаликда у иккита совринни қўлга киритди: Италия чемпионати чемпионлиги (2024/25) ва Италия Суперкубоги (2025/26).