«Ад-Дирия» Сенегал терма жамоаси ярим ҳимоячиси Идрисса Гуйе билан шартнома имзолаганини маълум қилди. Томонлар ўртасидаги келишувнинг амал қилиш муддати ҳозирча очиқланмаган.

36 ёшли футболчи 2022/23 йилги мавсумдан буён «Эвертон» шарафини ҳимоя қилиб келаётган эди. 2025/26 йилги мавсумда у жамоа сафида 25 та учрашув ўтказиб, 2 та гол урди ва 3 та голли узатмани амалга оширди.

Гуйенинг профессионал фаолияти давомида «ПСЖ», «Лилль» ва «Астон Вилла» каби клублар ҳам бўлган.

Transfermarkt маълумотларига кўра, Сенегал терма жамоаси футболчисининг трансфер қиймати 500 минг евро этиб баҳоланмоқда.