«Ливерпуль» ҳужумчиси Коди Гакпо фаолиятини «Тоттенҳэм»да давом эттириши мумкин.

Football Insider маълумотига кўра, мерсисайдликлар трансфер ойнаси якунига қадар ҳужум чизиғига янги футболчи жалб қилса, Гакпони сотишга тайёр бўлиши мумкин.

Айни вақтда «Ливерпуль» «Пари Сен-Жермен» вингерлари Брэдли Барколя ва Ибраима Мбайени ўз сафига қўшиб олиш имкониятларини кўриб чиқмоқда.

Манбага кўра, «Тоттенҳэм» Гакпо трансфери учун 82 миллион евро таклиф қилишга тайёр. Бироқ битимнинг амалга ошиши, биринчи навбатда, «Ливерпуль»нинг янги ҳужумчи трансфери бўйича режаларига боғлиқ.

27 ёшли Гакпо ўтган мавсумда «Ливерпуль» сафида барча мусобақалар доирасида 52 та учрашув ўтказиб, 9 та гол урди ва 6 та голли узатма амалга оширди.

Нидерландиялик футболчининг «Ливерпуль» билан амалдаги шартномаси 2028 йилга қадар мўлжалланган.