«Liverpul» hujumchisi Kodi Gakpo faoliyatini «Tottenhem»da davom ettirishi mumkin.

Football Insider ma’lumotiga ko‘ra, mersisaydliklar transfer oynasi yakuniga qadar hujum chizig‘iga yangi futbolchi jalb qilsa, Gakponi sotishga tayyor bo‘lishi mumkin.

Ayni vaqtda «Liverpul» «Pari Sen-Jermen» vingerlari Bredli Barkolya va Ibraima Mbayeni o‘z safiga qo‘shib olish imkoniyatlarini ko‘rib chiqmoqda.

Manbaga ko‘ra, «Tottenhem» Gakpo transferi uchun 82 million yevro taklif qilishga tayyor. Biroq bitimning amalga oshishi, birinchi navbatda, «Liverpul»ning yangi hujumchi transferi bo‘yicha rejalariga bog‘liq.

27 yoshli Gakpo o‘tgan mavsumda «Liverpul» safida barcha musobaqalar doirasida 52 ta uchrashuv o‘tkazib, 9 ta gol urdi va 6 ta golli uzatma amalga oshirdi.

Niderlandiyalik futbolchining «Liverpul» bilan amaldagi shartnomasi 2028 yilga qadar mo‘ljallangan.