«Ювентус» ҳужумчиси Рандаль Коло-Муани клубга қайтиши ҳақида фикр билдирди.

Француз август ойи бошида «ПСЖ»дан ўтиб, «кекса синьора» сафини тўлдирди. Трансфер қиймати 40 миллион евродан ошди.

«Ювентус» — Италия қадриятларини ўзида мужассам этган алоҳида, культ даражасидаги клуб. Бу ерда яна бўлиш мен учун катта шараф. «Ювентус»даги биринчи даврим қандай кечганини ҳисобга олсак, бу ўтиш мен учун мутлақо мантиқий қадам бўлди», — деди 27 ёшли форвард La Stampa’га берган интервьюсида.

Эслатиб ўтамиз, аввалроқ Рандаль Коло-Муани 2024/25 йилги мавсумнинг иккинчи ярмида ижара ҳуқуқи асосида «бьянконери» шарафини ҳимоя қилган эди.