Мадриднинг «Атлетико» клуби бош мураббийи Диего Симеоне жамоасининг ҳимоядаги ўйини ҳақида фикр билдирди.
«Биз яна ҳимояда ишончлироқ ўйнашни бошлашимизни хоҳлайман. Ўтган мавсумда, айниқса Чемпионлар Лигасида жуда ёмон ҳимояландик. Жуда кўп ҳужум қилганимизга ва ярим финалгача етиб борганимизга қарамай, буни ҳеч ким қадрламайди. Нега? Чунки «Атлетико»нинг репутацияси шунақа», — дейди Симеоненинг сўзларини келтирган France Football.
Аргентиналик мутахассис, шунингдек, ярим ҳимоячилардан янада кўпроқ урдирилган голларни кўришни исташини қўшимча қилди.
Испания Ла Лигасининг янги мавсумини «Атлетико» ўз майдонида «Малага»га қарши ўйин билан бошлайди. Учрашув 19 август куни Тошкент вақти билан соат 01:00 да старт олади.
