«Пари Сен-Жермен» бош мураббийи Луис Энрике жамоасининг Чемпионлар Лигасида кетма-кет ғолиблик бўйича Мадриднинг «Реал» клуби рекордини такрорлаш имкониятлари ҳақида ўз фикрлари билан ўртоқлашди.

Эслатиб ўтамиз, «Реал Мадрид»нинг бу мусобақадаги рекорди кетма-кет 3 та трофейни ташкил этади. Парижликлар эса сўнгги икки мавсумда кетма-кет Европанинг энг нуфузли клублар турнирида зафар кучишган.

«Биз кетма-кет уч марта Чемпионлар Лигасида ғолиб чиқиб, «Реал» билан тенглашишимиз мумкин. Ҳозирда олдимизда уникал чорлов турибди. Менимча, айни дамда Европада биздан кўра кўпроқ мотивацияга эга бўлган бирорта ҳам жамоа йўқ», — дейди Энрике The Touchline нашрига берган интервьюсида.

Шунингдек, «ПСЖ» 13 август куни Тошкент вақти билан соат 00:00да УEФА Суперкубоги учун кечадиган баҳсда Европа Лигаси ғолиби «Астон Вилла»га қарши майдонга тушади.