"Расинг" клуби Хулен Агирресабал билан шартнома имзолади.

Ла Лигага қайтган клуб "Атлетик Бильбао" дарвозабони трансферини эълон қилди. Томонлар 2031 йил 30 июнгача шартнома имзоладилар.

BilbaoHiria нашрининг хабар беришича, келишув қиймати 4,5 миллион еврони ташкил қилади. "Расинг" шунингдек, 2 миллион евролик бонуслар ва агар дарвозабонни қайта сотса, қўшимча 2 миллион евро тўлаши мумкин.

"Атлетик Бильбао" футболчини 12 миллион еврога қайтариб сотиб олиш имкониятига эга.

Агирресабал ўтган мавсумни "Валенсия"да ижарада ўтказди. У Ла Лиганинг 18 та ўйинида 30 та гол ўтказиб юборди.