"Rasing" klubi Xulen Agirresabal bilan shartnoma imzoladi.
La Ligaga qaytgan klub "Atletik Bilbao" darvozaboni transferini e’lon qildi. Tomonlar 2031 yil 30 iyungacha shartnoma imzoladilar.
BilbaoHiria nashrining xabar berishicha, kelishuv qiymati 4,5 million yevroni tashkil qiladi. "Rasing" shuningdek, 2 million yevrolik bonuslar va agar darvozabonni qayta sotsa, qo‘shimcha 2 million yevro to‘lashi mumkin.
"Atletik Bilbao" futbolchini 12 million yevroga qaytarib sotib olish imkoniyatiga ega.
Agirresabal o‘tgan mavsumni "Valensiya"da ijarada o‘tkazdi. U La Liganing 18 ta o‘yinida 30 ta gol o‘tkazib yubordi.
