«Брентфорд» ҳужумчиси Игор Тиаго «Бавария»нинг қизиқиш доирасига тушди.
Мюнхен клуби ўтган мавсум якунларига кўра АПЛнинг рамзий терма жамоасидан ўрин олган 25 ёшли форвард трансфери бўйича музокараларни бошлади.
Ўтган мавсумда Игор Тиаго барча турнирларда 40 та ўйинда майдонга тушиб, ўз ҳисобига 25 та гол ва 1 та ассист ёздириб қўйди.
Бразилиялик футболчи, шунингдек, Селесаонинг ЖЧ-2026 учун қайдномасига киритилди ва турнирда фақат битта ўйинда майдонга тушди.
«Бавария» ўтган мавсумда Бундеслига ва Германия Кубогини қўлга киритиб, олтин дубль қайд этди. Инқирозсиз мавсумдан сўнг Венсан Компани жамоаси янги 2026/27 йилги мавсумни 22 август куни Дортмунднинг «Боруссия»сига қарши Германия Суперкубоги баҳси билан бошлайди.
