Жозе Моуриньо мураббий сифатидаги илк фаолияти давомида "Реал Мадрид"нинг юлдуз футболчилари билан ишлаш ҳақида гапирди.
"Реал Мадрид"да футболчиларга ўргатадиган деярли ҳеч нарсам йўқ эди. Рамосга тўпни бош билан қандай уриш кераклигини ва Криштиануга гол уриш кераклигини ўргатишим шарт эмас эди. Менинг ишим бошқача эди - тафсилотларда, тактикада ва энг муҳими, ҳамма футболни бир хил тушунишини таъминлашда", деди Моуриньо Goal нашрига.
Жозе Моуриньо 2010 йилдан 2013 йилгача "Реал Мадрид"га мураббийлик қилган. Унинг қўл остида "Лос Бланкос" Ла Лига, Қироллик кубоги ва Испания Суперкубогини қўлга киритган. Чемпионлар Лигасида "Реал Мадрид" Моуриньо қўл остида уч мавсумда ҳам ярим финалга чиққан.
