Жозе Моуриньо "Реал Мадрид"га илк бор бош мураббий этиб тайинланганида Икер Касильяснинг илтимослари ҳақида гапирди.
"Биринчи марта Касильяс менга: "Мен терма жамоа учун қўшимча таътил сўраш учун келдим", деди. Иккинчи марта мен билан гаплашганда, машғулотларни бир соат кейинга қолдиришни сўради, чунки мен режалаштирган вақтда Мадридда тирбандлик бор эди.
Учинчи марта у менга: "Биз меҳмонхонага боришни хоҳламаймиз. Биз ўйин куни тайёрланиб, тўғридан-тўғри стадионга боришни афзал кўрамиз", деди. Қисқа вақт ичида мен уларнинг эркаланганини англадим" - деди Моуриньо The Touchline нашрига.
Жозе Моуриньо "Реал Мадрид"ни 2010 йилдан 2013 йилгача бошқарган.
