Франциялик дарвозабон Майк Меньяннинг Италиянинг «Милан» клубини тарк этиши эҳтимоли паст.

Журналист Николо Скиранинг хабар беришича, Саудия Арабистонининг «Ан-Наср» клуби ва Меньян ўртасида ҳозирча ҳеч қандай алоқа бўлмаган. Бу футболчининг саудияликлар сафига ўтиши мумкинлиги ҳақида тарқалган хабарларга қарамай, қайд этилмоқда.

Яқинда 31 ёшли дарвозабон «Милан» билан амалдаги шартномасини 2031 йилга қадар узайтирган. Манбага кўра, Италия клуби Меньянни таркибда сақлаб қолиш ниятида ва уни қўйиб юборишни режалаштирмаяпти.

Меньян ўтган мавсумда барча турнирлар доирасида 41 та учрашувда майдонга тушди. Ушбу баҳсларда дарвозасидан 38 та гол ўтказиб юборди ва 16 марта ўз дарвозаси дахлсизлигини сақлаб қолди.

Transfermarkt портали маълумотларига кўра, француз дарвозабонининг айни пайтдаги бозор қиймати 20 миллион еврони ташкил этмоқда.