Унаи Эмери мураббийлик фаолияти давомида УЕФА Суперкубоги учун ўтказган барча тўртта учрашувида мағлубиятга учради.
Испаниялик мутахассис бошчилигидаги «Астон Вилла» 2026 йилги УЕФА Суперкубоги баҳсида «ПСЖ»га 1:2 ҳисобида имкониятни бой берди ва совринни қўлга кирита олмади.
Бунга қадар Эмери «Севилья» билан икки марта УЕФА Суперкубогида мағлуб бўлган. 2014 йилда унинг жамоаси «Реал»га 0:2 ҳисобида ютқазган бўлса, 2015 йилда «Барселона»га 4:5 ҳисобида имкониятни бой берган.
2021 йилда эса Эмери бошчилигидаги «Вильярреал» «Челси»га қарши асосий ва қўшимча вақтни 1:1 ҳисобида якунлаб, пенальтилар сериясида 5:6 ҳисобида мағлуб бўлган.
Шу тариқа, Унаи Эмери УЕФА Суперкубоги учун тўрт марта кураш олиб борган бўлса-да, ҳали бирор марта бу совринни қўлга кирита олмаган.
