«Пари Сен-Жермен» вингери Ибраим Мбайе «Манчестер Юнайтед»га ўтиши мумкин.
Diario AS маълумотига таяниб Transfer News Live хабар беришича, «қизил иблислар» 18 ёшли футболчининг эҳтимолий трансферини муҳокама қилиш учун «ПСЖ» билан алоқага чиққан.
Мбайени ижарага олиш варианти ҳам кўриб чиқилмоқда. Шу билан бирга, «ПСЖ» истиқболли сенегаллик футболчисини сотишга ҳам тайёр. Парижликлар 50 млн евро ёки ундан юқори миқдорда таклиф тушса, трансферга рози бўлиши мумкин.
Ибраим Мбайега «Ливерпул», «Манчестер Сити», «Челси», «Астон Вилла», «Тоттенҳэм» ва бошқа қатор клублар ҳам қизиқиш билдирмоқда.
Transfermarkt портали Мбайенинг бозор қийматини 30 млн еврога баҳоламоқда. Футболчининг «ПСЖ» билан амалдаги шартномаси 2028 йилга қадар мўлжалланган.
