Англия футбол ассоциацияси (FA) «Эвертон» ҳужумчиси Мартин Шерифга ставкаларга оид қоидаларни бузганлик бўйича айблов қўйди.
Маълум қилинишича, 20 ёшли футболчи 2024 йил 20 ноябрдан 2026 йил 12 февралга қадар футбол учрашувларига жами 61 та ставка қилган.
Англияда профессионал футболчиларга ҳар қандай футбол ўйинига ставка қилиш тақиқланган. Қайд этилишича, Шериф FA томонидан қўйилган айбловларга 17 августга қадар жавоб бериши керак.
Мартин Шериф «Эвертон» тарбияланувчиси ҳисобланади, аммо у ҳозирга қадар клубнинг асосий жамоаси сафида бирорта ҳам расмий учрашув ўтказмаган.
Ўтган мавсумда футболчи ижара асосида «Ротерхэм» ва «Порт Вейл» клублари сафида тўп сурди.
Шерифнинг «Эвертон» билан амалдаги меҳнат шартномаси яна бир йилга мўлжалланган.
