Франция терма жамоасининг собиқ сардори ва УЕФАнинг экс-президенти Мишель Платини «ПСЖ» ҳамда «Бавария» ўртасидаги 5:4 ҳисобида якунланган сермаҳсул учрашув нега унда катта таассурот қолдирмаганини тушунтирди.
«Чемпионлар лигаси ярим финалининг «ПСЖ» ва «Бавария» ўртасидаги биринчи учрашуви 5:4 ҳисобида якунланганидан кейин одамлар уни «аср ўйини» деб аташди. Шахсан менга жавоб баҳсидаги 1:1 ҳисобли дуранг кўпроқ ёқди.
Дарвозабонлар худди ғалвирдек, ҳимоячилар эса ундан ҳам ёмон. Улар жами тўққизта гол ўтказиб юборишди, биз эса буни «аср ўйини» деб атаяпмизми? Биз ҳақиқатан ҳам шоу-бизнес оламида яшаяпмиз.
Ҳимоядаги яхши ўйин ёки дарвозабоннинг ажойиб сейви ҳам урилган гол каби қимматли. Бундан ташқари, дунёда икки миллиард киши футбол ҳақида гапиради ва ўз ҳис-туйғуларини ифода этади. Мен ҳам шу икки миллиард кишидан бириман ва ҳар доим ҳам ҳақ бўлавермаслигим мумкин», — дея Платинининг сўзларини келтиради L’Equipe.
Эслатиб ўтамиз, ўтган мавсумги Чемпионлар лигаси яримфиналининг биринчи ўйинида Париж клуби «Бавария»ни 5:4 ҳисобида мағлуб этган. Жавоб учрашуви эса 1:1 ҳисобида якунланган.
